ಒಮ್ಮೆ ಕದಡಿದ ಕೊಳವು,

ಈ ಕೆಳಗಿನ ಸಾಲುಗಳು ಕನ್ನಡದ ಪಾಪ್ ಗೀತೆಯೊಂದರ ಸಾಲು: ಸಾಲುಗಳ ಜೊತೆ ಅದ್ಭುತ ಸಂಗೀತ ಸೇರಿ ಕೇಳಲು ಖುಷಿಯಾಗುತ್ತದೆ.ಉದಾಹರಣೆಗೆ ಇಲ್ಲೊಂದು ಆ ಆಲ್ಬಮ್ ನ ಹಾಡಿನ ಸಾಹಿತ್ಯ ಹೀಗಿದೆ: ಇಷ್ಟವಿದ್ದಲ್ಲಿ www.kannadaaudio.com ನಲ್ಲಿದೆ ಕೇಳಿ:

ಆಲ್ಬಮ್: ನಿನ್ನ ನೆನೆಪು(2007)

ಸಂಗೀತ: ಎಸ್.ಆರ್.ರಾಮಕೃಷ್ಣ

ಸಾಹಿತ್ಯ:ಎಸ್.ಬಾಗೇಶ್ರೀ

೧. ಒಮ್ಮೆ ಕದಡಿದ ಕೊಳವು,

ಮತ್ತೆ ತಿಳಿಯಾಗಿರಲು,

ತಳದೀ ಮಲಗಿಹ ಕಲ್ಲು ನಿನ್ನ ನೆನಪು:

ಅಡಿ ಅಡಿಯನು ಎಣಿಸಿ,

ಇಡು ಮನದ ಮೂಲೆಯಲಿ,

ಹುಚ್ಚು ಓಟದ ಬಯಕೆ ನಿನ್ನ ನೆನಪು:

ಬೇಸರವು ಕವಿದಿರಲು,

ಎಲ್ಲ ಕಹಿಯಾಗಿರಲು,

ಸಿಹಿಕನಸ ನೇವರಿಕೆ ನಿನ್ನ ನೆನಪು:

ಬಹಳ ಬಹಳ ಬಳಸಿ ಹಳಸಿದ,

ಪದಪುಂಜಗಳ ನಡುವೆ,

ಹೊಸತ ಹೊಳೆಸುವ ಪ್ರತಿಮೆ ನಿನ್ನ ನೆನಪು:

ಜಗವೆಲ್ಲ ಹೊಗಳಿರಲು,

ನಾನೇ ನಾನೆಸಿರಲು,

ಎದೆಯಾಳದ ಅಳುಕು ನಿನ್ನ ನೆನಪು:

ಎಲ್ಲ ವಾದದ ಕೊನೆಗೆ,

ಆವರಿಸೋ ಮೌನದ,

ತರ್ಕ ಮೀರಿದ ಭಾವ ನಿನ್ನ ನೆನಪು:

HATS OFF BHAGESHREE....