ವಿಷಯಕ್ಕೆ ಹೋಗಿ

ಪೋಸ್ಟ್‌ಗಳು

ಕಾಪುಚೀನೋ

ಮನೆಯ ಬಾಗಿಲಿಗೆ ಬೆನ್ನು ಮಾಡಿ ಹೊರಟ ಹತ್ತು ನಿಮಿಷಕ್ಕೆ ಅವನ ವಾಟ್ಸಾಪು ಠಣ್ ಅನ್ತು. ತೆಗೆದರೆ "ಹಾಯ್" ಎಂಬ ಪ್ರಿಯಾಳ ರಿಪ್ಲೆ.ಹಳೆ ಗೆಳತಿ ,ಕೈ ಕೊಟ್ಟ ಪ್ರೇಯಸಿ ಸದ್ಯ ವಿವಾಹಿತೆ,ಸಾಮಾನ್ಯವಾಗಿ ಯಾವಾಗಲೋ ರಿಪ್ಲೆ ಮಾಡುವವಳು ನೆನ್ನೆ ರಾತ್ರಿ ಹಾಯ್ ಎಂದು ಹಾಕಿದ್ದ ಬೆಳಗ್ಗೆ ಹಾಯ್ ಎಂದಳು.ಇನ್ನೆನೂ ಟೈಪಿಸುವುದು ಎಂದು ಅಂದುಕೊಳ್ಳುತ್ತಿದ್ದ ಎರಡೇ ನಿಮಿಷಕ್ಕೆ "ಸಿಗ್ತೀಯ" ಎಂದು ಅವಳ ಮೆಸೇಜು, ಸಂಜಯ ಒಂದತ್ತು ಸೆಕೆಂಡ್ ಯೋಚಿಸಿ ಅವನ ಟೀಮ್ ಲೀಡರ್ ಹೆಬ್ರಾಯನಿಗೆ ಕಾಲ್ ಮಾಡಿದ ಮಧ್ಯಾನ್ನ ಬರ್ತೀನಿ ಸ್ವಲ್ಪ ಕೆಲಸವಿದೆ ಎಂದ ಅತ್ತಲಿಂದ ಅವನದು ಆರ್ಭಟ ಹೇ ಹಂಗೆಲ್ಲ ಮಾಡ್ಬೇಡಿ ಒಂದ್ ಸಲ ಬಾಸ್ ಜೊತೆ ಮಾತಾಡಿ ಎಂದು ಸಿಟ್ಟು ಬರಿಸಿದ, ಸಂಜಯನಿಗೆ ತಿಕ್ಕಲತ್ತಿ ಕಾಲ್ ಕಟ್ ಮಾಡಿದ. ಈ ಮೂರು ಕಾಸಿಗೂ ಕೆಲಸಕ್ಕೆ ಬಾರದ ಈ ಜೆರಾಕ್ಸು ಪ್ರಿಂಟ್ ಔಟ್ ಎಂದು ಆಫೀಸ್ ಬಾಯ್ ತರ ಇರುವ ಬಾಸುಗಳ ಅಂಡು ಸವರುವ ಈ ಬೋಳಿಮಕ್ಕಳನೆಲ್ಲ ಸೇರಿಸಿ ಹಜಾಮತ್ ವಿಭಾಗ ಅಂತ ಮಾಡಿ ಹಜಾಮತ್ ಮಾಡಕ್ಕೆ ಇಟ್ಕೋಬೇಕು ಇವರನ್ನೆಲ್ಲ; ಕಟ್ಟಿಂಗ್ ಮಾಡ್ಸುವ ದುಡ್ಡು ಉಳಿಯುತ್ತೆ ಎಂದು ಬಯ್ಕೊಂಡು "ಆರೋಗ್ಯ ಸರಿಯಿಲ್ಲ ಆಫೀಸಿಗೆ ಬರಲಾಗದು ರಜೆ ನೀಡೀ" ಎಂದು ಟೈಪ್ ಮಾಡಿ ಕರಿ ಇಡ್ಲಿ ಬಾಸ್ ಕುಮಾರನ್ ಗೆ ಮೆಸೇಜು ಹಾಕಿ ಸುಮ್ಮನೆ ನಿಂತ. ಅಷ್ಟರೊಳಗೆ ಪ್ರಿಯಳ ಮೆಸೇಜುಗಳು "ಸಿಗೊಲ್ವ?", "ಸರಿ ಬಿಡು" ,"ಸಾರಿ" &qu…
ಇತ್ತೀಚಿನ ಪೋಸ್ಟ್‌ಗಳು

ಹೆಣದ ಗಾಡಿ

ಅಲ್ಲೊಂದು ಸಾವಾಗಿದೆ.

ಸತ್ತವನ ದೇಹ ಎದುರು ಇದೆ.ಸತ್ತವನು ಕೆಲವು ವರ್ಷಗಳಿಂದ ಯಾವ ಕೆಲಸವೂ ಮಾಡದೇ ಕುಡಿಯುತ್ತಾ,ಮನೆಯವರನ್ನು ಪೀಡಿಸುತ್ತಾ,ತನ್ನ ಕುಡಿತದ ಚೇಷ್ಟೇಗಳಿಂದ ಪರರನ್ನು ನಗಿಸುತ್ತ ಬದುಕಿದ್ದಾಗಲೇ ಸತ್ತಿದ್ದ.ಈ ಸಂಜೆ ಮತ್ತೆ ಸತ್ತ. ಸತ್ತವನನ್ನು ಮಂಚದ ಮೇಲೆ ಮಲಗಿಸಲಾಗಿದೆ,ಅವನ ದೇಹವನ್ನು ಹಳೇ ಕಂಬಳಿಯಿಂದ ಮುಚ್ಚಲಾಗಿದೆ, ಆ ಕಂಬಳಿಗೆ ಸುಮಾರು ಆರರಿಂದ ಏಳು ತೂತುಗಳಿವೆ.ಅವನ ದೇಹದ ಕೆಳಗೆ ಮಾಸಲಾದ ಬೆಡ್ ಶೀಟ್ ಅದರ ಕೆಳಗೆ ಉಪಯೋಗಿಸದೇ ಇದ್ದ ಹಳೆಯ ಚಾಪೆಯಿದೆ. ಅವನ ಬಾಯಿ ತುಸು ತೆರೆದಿದ್ದು ಒಂದೆರಡು ನೊಣಗಳು ಒಳ ಹೋಗಲು ಅವಣಿಸುತ್ತಿವೆ ಅದನ್ನು ಅವನ ಹೆಂಡತಿ ಸಾಗಹಾಕಲು ಪ್ರಯತ್ನಿಸಿ ಸೋಲುತ್ತಿದ್ದಾಳೆ,ಬಿಡದೇ ಸತ್ತವನ ಕಳೇಬರವನ್ನು ದಿಟ್ಟಿಸುತ್ತಾ ಕೂತಿದ್ದಾಳೆ. ವಿಷಯ ತಿಳಿದು ಬಂದ ಜನರೆದುರು ಗೋಳಾಡುವ,ಕಿರುಚಿಕೊಳ್ಳುವ ಅನಿವಾರ್ಯಕ್ಕೆ ಸಿಲುಕಿದ್ದಾಳೆ.ಕೆಲವೊಮ್ಮೆ ಕೆಲವೊಂದು ನೆನಪುಗಳಿಂದ ಅವಳ ಗೋಳಾಡುವಿಕೆಗೆ,ಕಿರುಚಿವಿಕೆಗೆ,ಅಳುವಿಗೆ ಯಾವುದೇ ಮುಖವಾಡವಾಗಲೀ,ಅನಿವಾರ್ಯವಾಗಲೀ ಇಲ್ಲ. ಇರುವಾಗ ತುಂಬಾ ಪೀಡನೆಗೊಳಗಾಗಿ ’ಸಾಯಿ’ ಎಂದು ಶಾಪ ಹಾಕಿದವಳಿಗೆ ಅಚಾನಕ್ಕಾಗಿ ಎದುರಾದ ಸಾವು ಶೂನ್ಯವನ್ನು ಬಾಚಿ ಬಳಿದು ಎಸೆದು ನಿಂತಿದೆ.ಮುಂದೇನು ಎಂಬ ಪ್ರಶ್ನೆ ಅವಳ ಹಣೆಯ ಗೆರೆಯಾಗಿ ನಿಂತಿದೆ.ಪ್ರಶ್ನೆಗೆ ಅಸಹಾಯಕತೆಯಿಂದ ಮಕ್ಕಳತ್ತ ತಿರುಗುತ್ತಾಳೆ.

ಸತ್ತವನ ತಲೆಯ ಹಿಂದೆ ಒಂದೇ ದಿಕ್ಕಿಗೆ ಅವಳ ಮಗಳು ಕೂತಿದ್ದಾಳೆ,ಸಾವು ಅವಳಿಗೆ ಅಪರಿಚಿತ…

ಅವಳೊಳಗಿನವನು,ಅವನೊಳಗಿನವಳು

ಭಾಗ ಒಂದು:

ಅವಳೊಳಗಿನ ಅವನು

ಅವನು ನಿಂತ ಎಸ್ಕೇಲೇಟರು ಇಂಚಿಂಚೂ ಕೆಳಮುಖವಾಗಿ ಹೋಗುತ್ತಿರಲೂ ಬದುಕಿನಿಂದಲೂ ಆತ ದೂರ ದೂರ ಹೋದಂತೆ ಭಾಸವಾಗತೊಡಗಿತು, ಫ್ಲೋರು ತಲುಪಿದ ಅವನು ಹಿಂದಿರುಗಿ ನೋಡಿಯಾನು ಎಂದುಕೊಂಡೆ ನೋಡಲಿಲ್ಲ ಬಲಗೈಯನ್ನು ಜೇಬಿನೊಳಗೆ ತುರುಕಿಕೊಂಡು ಎಡಗೈಯಲ್ಲಿ ತಲೆ ನೇವರಿಸಿಕೊಳ್ಳುತ್ತ ಬಿರುಸಾಗಿ ನಡೆದುಬಿಟ್ಟ ಅವನು ಕಣ್ಣಿಂದ ದೂರವಾಗುವವರೆಗೂ ನೋಡುತಲಿದ್ದೆ.ಅವನೆಂದು ಹಾಗೆ ಹೊರಟಿದ್ದು ಕಂಡಿಲ್ಲ ಎಂತಹ ಬಿಗುಕ್ಷಣಗಳಲ್ಲೂ ಸಿಟ್ಟಿನಿಂದಲಾದರೂ ಒಮ್ಮೆ ತಿರುಗಿ ನೋಡುತ್ತಿದ್ದ,ಉಕ್ಕು ಪ್ರೀತಿಯಿದ್ದಾಗ ಗಾಡಿಯಲ್ಲಿ ಬಿಟ್ಟು ಹೋದವನು ಕೆಲಕ್ಷಣಗಳಲ್ಲೇ ಅದ್ಯಾವುದ್ಯಾವುದೋ ಸಂದು ರೋಡುಗಳನ್ನು ಬಳಸಿ ಎದುರಿಗೆ ಸಿಕ್ಕು ಹಾರನ್ ಹೊಡೆದೋ ಕಣ್ಣು ಹೊಡೆದೋ ಮುತ್ತು ಕೊಟ್ಟಂತೋ ತುಟಿ ಅರಳಿಸೋ ನಗುತ್ತ ಹೋಗುತ್ತಿದ್ದ ಯಾಕೆ ಹಾಗೇ ಎಂದರೆ ನೀನು ಇವತ್ತು ಅಧ್ಬುತವಾಗಿ ಕಾಣುತ್ತಿದ್ದೆ ,ಮಲಗುವ ಮುನ್ನ ಕಣ್ತುಂಬಿಕೊಳ್ಳಲು ಎಂಬ ಉಸಿರು ಹೋಗಿಸುವಂತಹ ಮಾತನಾಡುತ್ತಿದ್ದ, ಆದರೆ ಈ ಕ್ಷಣ ಹಾಗೇ ತಿರುಗಲಿಲ್ಲ ಕೊನೆ ಪಕ್ಷ ಸಿಟ್ಟಿನಲ್ಲಾದರೂ ತಿರುಗಬೇಕಿತ್ತು,ಪಕ್ಕದಲ್ಲಿದ್ದ ರಹೀಮ "ಹೇ ಇದು ನೋಡೆ ದಿವ್ಯಾ ಹೆಂಗ್ ಇದ್ದಾಳೆ" ಎಂದು ಮೊಬೈಲಿನಲ್ಲಿ ಅದ್ಯಾವುದೋ ಫೋಟೋಗಳನ್ನು ತೋರಿಸುತ್ತಿದ್ದ ಸುಮ್ಮನೆ ಹೂಗುಡುತ್ತ ಲಿಫ್ಟಿನತ್ತ ಹೊರಟೆವು,ರಹೀಮನ ಮೊಬೈಲು ಮಂಕಾಗಿ ಕಾಣುತಿತ್ತು,ಗೊತ್ತಿಲ್ಲದೇ ಕಣ್ಣಂಚಲ್ಲ್ಯಾಕೋ ಕೆಲಸಕ್ಕೆ ಬಾರದ ಕಣ್ಣೀರು,ಲಿಫ್ಟು…
ನಿರುದ್ದೇಶ ತಿಕ್ಕಲಿನ ಹುಡುಕಾಟದಲ್ಲಿ...

ಹಾಗೆ ನೋಡಿದರೆ ಮಾನವ ಜನುಮ ಬಲು ದೊಡ್ಡದು ಎಂದು ಯಾವ ರೀತಿಯಿಂದ ಹೇಳಿದರೋ ಗೊತ್ತಿಲ್ಲ. ಮರುಕ್ಷಣವೇ ಇಲ್ಲವಾಗುವ ಬದುಕನ್ನು ಜನುಮಗಳಿಗೆ ಹೋಲಿಸಿಕೊಂಡು ಬಲು ದೊಡ್ಡದು ಎನ್ನುವುದು, ನಮ್ಮೆಲ್ಲ ಹುಟ್ಟಿನ ಹಿಂದೆ ಒಂದು ದೊಡ್ಡ ಉದ್ದೇಶವಿದೆಯೆಂದು ಹೇಳಲಾದೀತೆ? ನಮ್ಮೆಲ್ಲ ಭಾವ ,ಕ್ರಿಯೆಯನ್ನು ನಂಬಿಕೆಯೊಂದೇ ಪೋಷಿಸುತ್ತಾ ಬಂದಿರುವುದು. ಹಾಗಾಗಿ ಮಾನವ ಜನುಮ ಬಲು ದೊಡ್ಡದು ಎಂದು ನಂಬಿದರೆ ಸತ್ಯ ಇಲ್ಲವಾದಲ್ಲಿ ಸುಳ್ಳು.
ಇಂತಹುದೊಂದು ಆಲೋಚನೆ ಎದ್ದಿದು ಆಸ್ಪತ್ರೆಯ ಕಮಟು ವಾಸನೆಯಲ್ಲಿ ಅರವತ್ತು ವರ್ಷವಾದರೂ ಎಂತಾ ಹುಡುಗಿಯನ್ನು ನಾಚಿಸುವಷ್ಟು ಕೆಲಸ ಮಾಡುತ್ತಾ ಓಡಾಡುತ್ತಾ ಇದ್ಡ ಅಮ್ಮನಿಗೆ ಪಿತ್ತಕೋಶದಲ್ಲಿ ಅದೆಂತಹುದೋ ಕಲ್ಲಿವೆ ಆಪರೇಷನ್ ಮಾಡಬೇಕು ಎಂದಾಗ ಅದೊಂದು ಅಂತಾ ದೊಡ್ಡ ಖಾಯಿಲೆ ಅನಿಸಲಿಲ್ಲ ಅದೇ ಪಿತ್ತಕೋಶವನ್ನು ಕತ್ತರಿಸಿ ಇದೇ ನೋಡಿ ನಿಮ್ಮ ಅಮ್ಮನ ಪಿತ್ತಕೋಶ ಎಂದು ತೋರಿಸಿದಾಗ ಮೂರ್ಛೆ ಬಿದ್ದಿದ್ದೆ. ಅದೇ ಪಿತ್ತಕೋಶ ಪರೀಕ್ಷೆಗೆ ಕಳಿಸಿ ಅದರ ವರದಿ ಬಂದಾಗ ಅದೊಂದು ದೊಡ್ಡ ಶಾಕ್ GLADBLADDER CANCER T3 STAGE ಅದೊಂದು ಅಪರೂಪದ ಕ್ಯಾನ್ಸರ್ ಅದರ ಲಕ್ಷಣಗಳು ಮಾಮೂಲಿ ಕ್ಯಾನ್ಸರ್‌ನ ಹಾಗೇ ಮೊದಲೇ ಕಾಣಿಸಿಕೊಳ್ಳುವುದಿಲ್ಲ ಹೀಗೆ ಯಾವುದಾದರೂ ಆಪರೇಷನ್ ಮಾಡಿದರೆ ಅದರ ವರದಿಯಲ್ಲಿ ಬಂದಿರುತ್ತದೆ. ಇದೊಂದು ವಿಷಾದಕರ BUY ONE GET ONE FREE OFFER. ಕಿಮೋತೇರಪಿಯಿಂದಲು ಇದು ಗುಣವಾಗುತ್ತೆ ಅಂತ…
ಕತಾ ಶೀರ್ಷಿಕೆ: ಜಯಂತ
ಹೈ ವೇಲಿ ಕುಡಿದ ಕಾಫಿಯ ರುಚಿಯಿನ್ನು ಬಾಯಲ್ಲಿ ಹಾಗೇ ಇದೆ.ಅದನ್ನ ಗೆಳೆಯ ರಜನೀಶ್ FLAVOUR ಅನ್ನುತ್ತಾನೆ. ಕಾಫಿ ಕುಡಿದ ಮೇಲೆ ಆತ ಏನನ್ನೂ ಕುಡಿಯುವುದಿಲ್ಲ ಆ FLAVOUR ಮಜ ಕೊಡುತ್ತೆ ಅಂತಾನೆ. ಆ ಮಾತು ಈ ಕ್ಷಣದಲ್ಲಿ ಅರ್ಥವಾಗುತ್ತಿದೆ. ಬೆಂಗಳೂರು ಬಿಟ್ಟಾಗ ರಾತ್ರಿ ಒಂಭತ್ತಾಗಿತ್ತು ಈಗ ಹನ್ನೊಂದುವರೆ ಇನ್ನೊಂದೆರಡು ಕಿಲೋಮೀಟರುಗಳಾಚೆ ರಜನೀಶನ ಊರು. ಎ.ಕಾಳೇನಹಳ್ಳಿ. ಅಮವಾಸ್ಯೆ ಬೇರೆ ಕತ್ತಲು ಗವ್ವೆನುತ್ತಿದೆ, ರಸ್ತೆಯ ಎರಡು ಕಡೆ ಕಬ್ಬು, ರಾತ್ರಿ ಹನ್ನೊಂದುವರೆಯ ತಂಗಾಳಿ, ಸುಮಾರು ಎಂಭತ್ತರ ವೇಗದಲ್ಲಿ ನನ್ನ ಬುಲೆಟ್ ಗಾಡಿ ಓಡುತ್ತಿದೆ. ಹೆಲ್ಮೆಟ್ ಗೆ, GOGGLE ಗೆ ಅದ್ಯಾವುದೋ ಕೀಟಗಳು ಬಡಿದು ಸಾಯುತ್ತಿವೆ. ಹೋದಸಾರಿ ಬಂದಾಗ ಇನ್ನೂ ಹೆಚ್ಚಿನ ಕತ್ತಲಿತ್ತು.ವರ್ಷದಲ್ಲಿ ಹಳ್ಳಿ ಸಿಟಿಯಾಗಿಬಿಟ್ಟಿದೆ ಸೋಗು ನಾಗರೀಕತೆ ಹೆಜ್ಜೆಯಿಟ್ಟುಬಿಟ್ಟಿದೆ.ಅನಾಮಿಕ ಊರಿನಲ್ಲಿ ಅಮವಾಸ್ಯೆ ಕತ್ತಲಲ್ಲಿ ಬೈಕ್ ಓಡಿಸುವ ಥ್ರಿಲ್ ಇದೆಯಲ್ಲ ಅದು ಅನುಭವಿಸಿದರೇನೆ ಅರಿವಾಗುವುದು.
ರಜನೀಶ ಹೊರಬಂದ. ಅದೇ ರಜನೀಶ ನನ್ನ ತಪ್ಪುಗಳ ತಿದ್ದುವ,ನಿಷ್ಕಲ್ಮಶ ನಗೆಯ,ಬೆಚ್ಚನೆ ಅಪ್ಪುಗೆಯ ರಜನೀಶ. ಬಂದು ಮೊದಲಿನಂತೆಯೆ ಸ್ನೇಹದ ಅಪ್ಪುಗೆ ಕೊಟ್ಟ. ಬಾ ಪಾ ಪುಣ್ಯಾತ್ಮ ಎಂದು ಒಳ ಕರೆದು ಬಚ್ಚಲು ಮನೆ ತೋರಿಸಿದ.ನೀರು ಕೊರೆಯುತ್ತಿತ್ತು ಮುಖಕ್ಕೆ ಎರಚಿಕೊಂಡರೆ ಒಂತರಾ ಸುಖ, ಕಣ್ಣು ಉರಿ. ಅವನ ರೂಮಿನಲ್ಲಿ ಅರ್ಧ ಮಡಿಚಿಟ್ಟ ಭೈರಪ್ಪರ ‘ಪರ್ವ’ಯಿತ್ತು.ದೇಶ…

ಕತಾ ಶೀರ್ಷಿಕೆ: ಅವಳು

ಅವಳು ತಿನ್ನುವ ಕಂಗಳಿಂದ ನನ್ನ ನೋಡುತ್ತಿದ್ದ ಎರಡನೇ ದಿನಕ್ಕೇನೆ ಮೈನೆರೆದಿದ್ದಳು. ಕಂಡಕಂಡಾಗಲೆಲ್ಲ ನನ್ನನ್ನು ಅಪರಾಧಿ ಸ್ಥಾನದಲ್ಲಿ ಕೂರಿಸುತಿದ್ದಳು. ಅಸಲು ನಾನು ನಿರಪರಾಧಿ. ನನ್ನದೇನೂ ತಪ್ಪಿಲ್ಲ. ಅವಳ ಕಂಗಳನ್ನೇ ದಿಟ್ಟಿಸಿದ್ದೆ. ಅದಕ್ಕೇನೆ ಮೈನೆರೆಯುವುದೇ? ನಾನೆಣಿಸದ ಸೊಬಗು ಅವಳನ್ನು ನಿಧಾನವಾಗಿ ಆವರಿಸುತಿತ್ತು. ತುಂಬ ಅಂದವಾಗುತಿದ್ದಳು. ಕಂಗಳು ಕಾರಂಜಿಯಾದವು, ಹಣೆ ಸಮುದ್ರ ತೀರವಾಯ್ತು, ಅಲೆಗಳಂತೆ ಮುಂಗುರುಳು ಸರಿಯುತಿತ್ತು. ದಂತಪಂಕ್ತಿ ಬೆಳದಿಂಗಳ ಬಟ್ಟಲಾದವು, ಕೊರಳು ಶಂಖವಾಯ್ತು. ಅಪ್ಸರೆಯೊಂದು ಅವಳ ದೇಹವನ್ನು ಹೊಕ್ಕಿದಂತ ಭಾಸ; ಭಾವ. ಅವಳ ನೋಟ ಇತ್ತೀಚೆಗೆ " ಛೀ, ಕಳ್ಳ" ಎಂಬಂತೆ ಛೇಡಿಸುತಿತ್ತು. ದಿನದಿನಕಳೆದು ಮಾಸಗಳಾಯ್ತು, ಮಾಸ ಮಾಸಗಳು ಕಳೆದು ವರುಷವಾಯ್ತು. ಅವಳ " ಛೀ, ಕಳ್ಳ" ನೋಟಕ್ಕೆ ನಾನು ಅಪರಾಧಿಯಾಗಲಿಲ್ಲ, ಯಾಕೋ ಸಿಟ್ಟಾಗುತ್ತಿದ್ದಳು. ನಾನು ದ್ವಂದ್ವವಾಗಿದ್ದೆ. ಅದಾದ ಎರಡೇ ತಿಂಗಳಲ್ಲಿ ನನ್ನ ಮೇಲಿನ ನಗೆಯನ್ನು, ನಮ್ಮ ಮನೆಯಿಂದ ಬಲಕ್ಕಿದ್ದ ಮೂರನೇ ಮಹಡಿಯಲ್ಲಿದ್ದ(ನಾಲ್ಕನೇ ಮನೆ!) ದೃಢಕಾಯನಿಗೆ ಬದಲಾಯ್ತು, ನಾನು ಒಳಗೊಳಗೆ ಕುದಿದೆ; ಒಂದು ಕ್ಷಣ ನಡುಗಿಬಿಟ್ಟೆ. ಈ ದಿನ ಅವಳು ಓಡಿಹೋಗಿದ್ದಳು; ಗುಟ್ಟಾಗಿ.

ಚೆಲ್ಲಾಪಿಲ್ಲಿ

ಅನುಭವಕ್ಕೆ ಸಿಗದನ್ನು ಕತೆಯಾಗಿಸಲು ಯಾಕೋ ಆಗದೇ, ಕಣ್ಣೆದುರೇ ಗೋಚರಿಸಲ್ಪಡುತಿಹ ಸಾವಿರಾರು ನೋವು, ನಲಿವು,ಈಗೋ,ಪ್ರೀತಿ,ಮಿಕ್ಕೆಲ್ಲವನ್ನು ಸೆರೆಹಿಡಿಯುವ ಒಂದು ಯತ್ನ ಇಲ್ಲಿದೆ. ಒಂದು ವಾಕ್ಯಕ್ಕೂ ಇನ್ನೊಂದು ವಾಕ್ಯಕ್ಕೂ ಸಂಬಂಧವೇ ಇಲ್ಲ ಇಲ್ಲಿ. ಇದೊಂತರಾ ಹೆಗಲಲ್ಲಿ ಕ್ಯಾಮೆರಾ ತಗಲಾಕೊಂಡು ಸಿಕ್ಕ ಸಿಕ್ಕಿದ್ದನ್ನು ಸೆರೆಹಿಡಿಯುವ ಯತ್ನದಂತಿದೆ. ನನ್ನೊಳಗಣ ಮನಸ್ಸೆಂಬ ಅರಿವಿನ ಕ್ಯಾಮೆರಾದಲ್ಲಿ ಕ್ಲಿಕ್ಕಿಸಿದ ಚಿತ್ರಗಳಿವು. ಒಂದು ಸಲ ಓದಿಬಿಡಿ ಆದದ್ದಾಗಲಿ....


ಬದುಕು ಎಂಬುದು ಎಂದೂ ಜೀನ್ಸ್ ಪ್ಯಾಂಟ್ ತೊಡದ ಕಡೇಪಕ್ಷ ಟೀ ಶರ್ಟ್ ಕೂಡ ಧರಿಸದ ಮಂಜೇಗೌಡನಿದ್ದಂತೆ ಅದಕ್ಕೆ ಅದರದೇ ಆದ ಹಟ, ಅದರದೇ ಆದ ಬೆರಗು. ಎಲ್ಲ ತಿಳಿದುಕೊಂಡೆವು ಎನ್ನುವಷ್ಟರಲ್ಲಿ ಏನೂ ತಿಳಿದಿಲ್ಲ ಎಂದು ಕಾಡುವ ತಬ್ಬಲಿತನ. ಸತ್ಯವೆನ್ನುವುದೇ ಇಲ್ಲ ಹಾಗೇ ಮಿಥ್ಯೆಯೂ ಸಹ. ಅವರವರ ಕಣ್ಣಿನಲ್ಲಿ ಕಾಣುವುದಷ್ಟೇ ಸತ್ಯ. ಇಲ್ಲವಾದಲ್ಲಿ ರಪ್ಪನೆರಗುವ ವಾದಗಳು, ಆಡಂಬರಗಳು, ಎಂದಿಗೂ ಮುಗಿಯದ ಒಣ ಚರ್ಚೆಗಳು. ನಮ್ಮ ಈಗೋವನ್ನು ಕಾಡುವ ಅತೀ ಕ್ಷುಲ್ಲಕ ಕ್ಷಣಗಳು.

ಎಂದಿಗೂ ಕುಡಿಯುವುದಿಲ್ಲ ಎಂದೂ ಅಮ್ಮನಿಗೋ, ಅಪ್ಪನಿಗೋ ಕಡೇಪಕ್ಷ ಬಿಟ್ಟೋಗುವ ಗೆಳತಿಗೋ ಭಾಷೆ ಕೊಟ್ಟು ಫ಼್ರೆಂಡ್ಸ್ ಎದುರು ಸ್ಪ್ರೈಟ್ ಕೋಲಾ ಕುಡಿಯುವ ಹುಡುಗರು ಒಮ್ಮೆ ಕುಡಿದರೆ ಅದಕ್ಕೆ ದಾಸನಾಗಿಬಿಡುವನೆಂಬ ಅವರ ಮೇಲೆ ಅವರಿಗೆ ನಂಬಿಕೆ ಇಲ್ಲದ ಮುಗ್ದರು. ಅವರಲ್ಲೂ ಆಳಕ್ಕಿಳಿಯುವ ಆಸೆಗಳು. ಬಾರಿನಲ್ಲಿ ಬೆತ್ತಲಾದ ಬಯಕೆಗಳು,…